Saturday, June 29, 2013
Saturday, June 8, 2013
انتبهوا يا سادة
مش كل مرة نلعبها غلط يا سادة
غلطتنا فى 25 يناير انه لم يكن لدينا السناريو و التطور الدرامى لاحداث يناير و التى تحولت فجأة الى ثورة بدون قائد و بدون زعيم فأوقعتنا فى فخاخ و لم نجد امامنا البديل لاختياراتنا و ها انا اشم رائحة دم قادم لاننا لم نتعلم من تجربة ربنا سترها معانا فى المرة الاولى و لكن تلك المرة لابد من تحكيم العقل لانها مسئلة رياضية لابد للحساب فيها .
عناصر تلك المرة عناصر كثيرة مش شعب و حكومة ذى يناير 2010
لا دى فيها عناصر اخرى اخطرها انها شعب ضد شعب
و بعض القوى التى لها مصالح ان يقع ذلك الشعب
و بعض القوى الاخرى التى همها ان تعتلى السلطة فوق جماجم المصريين .
.
يا سادة لابد من مسك ورقة و قلم عشان نعرف احنا ريحين لفين و ما نندفعش وراء تسخين المستفيدين
Friday, May 31, 2013
بلدنا و الاستراتيجية
بلدنا و الاستراتيجية
مشكلتنا اننا لا نضع استراتيجية لاى شئ فى مصر فلم نفهم هذا اللفظ لارتباطه التام بالمؤسسات يعنى لو كانت بلادنا بلد مؤسسات مش افراد كانت عرفت معنى هذا اللفظ .
فبلدنا تنتهج و ترى رؤية السيد الملهم "السيد الرئيس " و ده ما تعودت عليه بلادنا لانها مش بلد مؤسسات بلد اشخاص و السياسة و العلاقات الخارجية و قضية المياه و قضية فلسطين و قضية القمح و......... الخ
كلها قضايا مبنية على حلول شخصية و ليست استراتيجية و لنأخذ قضية سد النهضة الاثيوبى مثال حى لذلك و نشوف الفرق بين ان يوجد لهذا الملف استراتيجية او ان يكون حلوله حلول شخصية مبينية على الحاج حسنى مبارك او المعلم محمد مرسى
هل موضوع السد ده ظهر فجأة ؟
ما هى البدائل المطروحة ؟
ما هى اسؤ الفروض ؟
طيب جهزنا نفسنا للمواجهة ؟
..
...
الخ
كل دى اسئلة و غيرها الكثير لم نفكر بها بعمق استراتيجى بالمعنى اللى ابتديت به الكلام اى يشيلوا الضو يحطو شاهين يبقى مصر "المؤسسات " و الاستراتيجية موضوعه و الحلول موجودة مش مستنيين السيد الرئيس الملهم وده سر نجاح الدول الاعداء و الصديقة فى حلول المشاكل لانها دول مؤسسات و كل مؤسسة لها استراتيجيتها و خططها و موضوعه من قبل .
و ده اللى مش عايز معظم "المتمردين " او " جبهة الانقاذ " يفهموه احنا عايزين "وطــــــــــــــــــن" مش "أشخـــــــــــاص "
وطن له استراتيجياته و خططه الموضوعه تيجى تضيف ليها مش تنتقصها
وطن مبنى على المؤسسات لان الاشخاص ذائلين
و ده اللى لازم كل اللى على الساحة يعرفوه لاننا ممكن ننتخب اى شخص يكون رئيسا لمصر و لكن مصر تبقى دائما هى الوطن فلقد اتى على الولايات المتحدة رؤساء منهم الممثل و منهم السياسى و الابيض و الاسود الا ان سياساتها اتجاه القضايا ثابت لان فى حاجة اسمها
Friday, March 8, 2013
بلطجة السياسة و سياسة البلطجة
ما نمر به الان فى مصر مأساة بكل المقاييس و لايمكن ان تجزم هل هى عملية سياسية و لكن تمارس بطريقة البلطجية ام هى عملية بلطجة تمارس بطريقة السياسة .
عزيزى القارئ ركز شوية فى الكلام لانك من الممكن ان تتشتت ( على اقل تقدير ) لان العملية اصلا تجنن النبيه . صديقى العزيز ما دفعنى للكتابة هو خبر اعتصامات رجال الشرطة بسبب اقحامهم فى الصراعات السياسيه و اخذت احلل هذا الخبر و صوره و ما يقع حول هذا الخبر و استخلصت الاتى :
اولا : منذ الانهيار الاول للشرطة و لم يكن لها اى دور هجومى على متظاهر او معتصم و لكن كانت دائما هى الطرف المهجوم عليه فمنذ احداث محمد محمود و مرورا بأحداث بورسعيد و اخيرا قصر النيل و السفارة لامريكية الشرطة تحمى مقار و مبانى اجهزه و سفارات .و الذى يهاجم تلك اأماكن هم " الثوار " على حسب التعبير المؤدب لجمعيات حقوق البلطجية"
ثانيا : كل الاحداث المرتبطة بالشرطة كانت تتم داخل حرم نطاق عمل و دور الشرطة سواء مجال سجون او امام وزارة الداخلية او امام منشأت تحميها الشرطة ....... الخ و هنا نقف و نسأل سؤال اين اقحامك ايها الشرطى فى اعمال سياسية ؟؟؟ و من الذى اقحمك ؟؟
اهو حمادة صابر الذى اقحمك ؟ ام مرسى و وزير الداخلية هو الذى اقحمك؟ ام وقوفك لحماية القصر الجمهورى هو اقحام فى عمل سياسى ؟
............... يتابع يعنى To be continued
Monday, January 7, 2013
المطلوب : اقتصاد بقياس 5 بخ تر
اقصد بالاقتصاد المقاس بمقياس ال " بخ تر " الاقتصاد الجيلى الذى اتبعه طواغيت العالم العربى امثال زين العابدين بتونس او المعلم حسنى مبارك بمصر.
فالاقتصاد البخ هو الاقتصاد القائم على عناصر و اسس تتأثر بأى بخ تحدث فى العالم سواء كانت البخ فى موزمبيق او حتى فى امريكا و دول الخليج .
فقد اعتمدوا هؤلاء الولاة على اقتصاد هش ليس له اى دعامات ثابته يتأثر بأى هزه تحدث على مستوى العالم حتى و لو قوتها ١بخ تر فأى حادثة حتى و لو كانت فى موزمبيق او بلاد الواء واء تؤثر على اقتصاد البلد .
اعتمدوا هؤلاء على السياحة كمصدر دخل هام و رئيسى لاقتصادهم و لم ينتبهوا انهم فى منطقة مقلقلة و تتأثر بأى رعشة على كوكب الارض و فى مرمى اى طوبه تقذف من الشمال او الجنوب و معامل اقتصاد السياحة هو ١ بخ تر بمعنى اى بخ فى الحته تضرب الاقتصاد .
فالبخ التى حدثت فى الاقصر و من بعدها شرم الشخ و العراق و الصومال و... و... و تأثر الاقتصاد المصرى و اخيرا البخ الكبيرة فى ٢٥ يناير
مما له تأثير "سلبى منحدر" على الاقتصاد فتونس فلست امس ٦ يناير ٢٠١٣ و الفاصل الزمنى مابين ثورة تونس و ثورة مصر ٣٨ يوم و ربنا يستر على مصر.
و عم حسنى و دعمه للاقتصاد الجيلى بمعرفة "جيمى" ننوس ماما قدر يجعل من البورصة مصدر من مصار الدخل للبلد و له هو شخصيا و معامل "بخ تر " للبورصة مثله مثل معامل السياحة اللهم انه اسرع و اجبن لان دورانه يقاس خلال ٨ ساعات فقط من ساعة فتح الجلسة الصبح الى ميعاد غلقها و تأثره بالـ"بخ" سريع و مدمر ففى لحظة تجد المستثمر الاجنبى لامم فلوسه و طائرته الخاصة فى المطار دائرة
و عشان ما طولش عليكم اعتمد المعلم حسنى على قناة السويس و تحويلات العاملين بالخارج و بيع القطاع العام من مصانع و محلات تجارية و بنوك .
كل ده اقتصاد يقاس بالـ"بخ " و لم نعتمد على قياس قوته ٥ بخ تر . اقتصاد له جذور و لا يمكن يتأثر بأى "بخ" حتى و لو فى نطاقه اقتصاد مبنى على الزراعة و الصناعة و طبعا سيضاف اليهم التجارة لانها ناتج طبيعى للزراعة و الصناعة و بكده نقدر نعمل محفظة اقتصادية لمصر تتراوح ما بين ٥ بخ تر و ١ بخ تر .
لابد من البحث الان عن عناصر اقتصادية بقوة ٥ بختر من اجل اولادنا لان المعلم باع الثلاجة و البوتوجاز و عفش البيت عشان يأكلنا و لما مات و ساب البيت خرابه اقعدين نقطع بعض و عايزين نبيع البيت "افلا تكبرون " و تصحصحوا و كفاية معارضة من اجل المعارضة .
عزيزى المعارض انا بحبك لما تعارض بس قدم فى المقابل الحلول المقترحة متبقاش ذى ابو مناع لا بترحم ولا بتسيب رحمة ربنا تنزل .
عايزينك معارض فعال غير مستأنس و مش بغبغان ذى عمر اديب و مراته "لوك لوك" و بس و ما فيش افعال عايزين افعالك قبل معارضتك لاننا زهقنا منك و من سوفسطئيتك و ثقافتك المزعومة و احنا دى يعنى احنا الشعب
مع تحيات واحد من هنا مش مننا
Thursday, December 13, 2012
Sunday, November 11, 2012
Wednesday, November 7, 2012
Friday, September 28, 2012
عبقرية مكان
هذا الفيلم يوضح تاريخ موقع من اهم المواقع عالميا انه مدخل قناة السويس الجنوبى " بورتوفيق " والحالة التى وصل اليها حاليا رغم
عالمية جغرافيا المكان و الذى احلم ان يضاهى اماكن كثيرة على مستوى العالم اقل منه اهمية .
فلك ان تعلم ان تمثال الحرية كان مقرر له ان ينتصب هنا فى هذا الموقع لولا المشاكل التمويلية التى حالت دون اقامته هنا ليكون الان من اهم معالم نيويورك بل رمزا للحرية على مستوى العالم ليتزاوره الملايين.
احلم ان يتم اقامة مشروع على مدخل قناة السويس يكون رمزا لمصر فدبى اتخذت من برج الخليفة "برج دبى سابقا" رمزا لها و من الممكن مشاركتى الحلم على هذا الرابط :
https://www.facebook.com/groups/SuezMemorial/
فلك ان تعلم ان تمثال الحرية كان مقرر له ان ينتصب هنا فى هذا الموقع لولا المشاكل التمويلية التى حالت دون اقامته هنا ليكون الان من اهم معالم نيويورك بل رمزا للحرية على مستوى العالم ليتزاوره الملايين.
احلم ان يتم اقامة مشروع على مدخل قناة السويس يكون رمزا لمصر فدبى اتخذت من برج الخليفة "برج دبى سابقا" رمزا لها و من الممكن مشاركتى الحلم على هذا الرابط :
https://www.facebook.com/groups/SuezMemorial/
وراسلنا بأفكارك على
Wednesday, September 26, 2012
Subscribe to:
Posts (Atom)